दिल्लीबाट चोरी गरी ल्याएको ६४ लाख भारुसहित तीन पक्राउ

प्रहरीले कैलालीबाट भारतको नयाँदिल्लीबाट चोरी गरी ल्याएको ६४ लाख भारतीय रुपैयासहित तीनजनालाई पक्राउ गरेकाे छ । ज

पक्राउ पर्नेमा बाजुरा बूढीगंगा नगरपालिका १, डुड्ग्रीका २९ वर्षीय जहरसिंह थापा, २८ वर्षीया मनाकुमारी खड्का र ३२ वर्षीया विन्दाकुमारी थापा छन् । जहर र मनाकुमारी भारतमै रोजगारी गर्दै आएका थिए ।

यस्तै प्रहरीले उनीहरूबाटै थप एक लाख नेपाली रुपैयाँ पनि बरामद गरेको छ ।

प्रहरीका अनुसार उनीहरूले उक्त रकम नयाँदिल्लीस्थित विशाल अग्रवालको घरबाट चोरी गरेका थिए । कैलालीका डीएसपी दक्षकुमार बस्नेतका अनुसार चोरीएको रकमबारे भारतीय दूतावासले नेपाल प्रहरीलाई जानकारी गराएको थियो ।

बरामद रकम कैलालीको गौरीगंगा नगरपालिकामा रहेको विन्दाकै घरभित्र खाल्टो खनेर टिनको बाकस गाडिएको अवस्थामा फेला परेको हो ।