सुन जस्तो देखिने पँहेलो धातु र डलर जस्तो नोटहरु सहित मानिस पक्राउ

सुन जस्तो देखिने पँहेलो धातु र डलर जस्तो नोटहरु सहित धादिङमा २ जना मानिस पक्राउ परेका छन।

बिशेष सुचनाको आधारमा जिल्ला प्रहरी कार्यालय धादिङबाट प्रहरी निरीक्षकको कमाण्डमा खटिएको प्रहरी टोलीले नीलकण्ठ नगरपालिका वडा नं. ३ धादिङबेसी थोपल खोला स्थितमा लपाङफेदीबाट धादिङबेसी आउदै गरेको ग १ ज ६७५३ नम्बरको मुस्ताङ फोर्स गाडीलाई चेकजाँच गर्दा ई जना पक्राउ परेका हुन।

उक्त गाडीको पछाडी सिटमा बसी यात्रा गरी आएका जिल्ला धादिङ खनियाबास गाउँपालिका वडा नं. ४ बस्ने बेग बहादुर तामाङ र शोभा तामाङ समेतले लुकाई छिपाई राखेको अवस्थामा 1 KILO FINE GOLD 999.9 लेखिएको बिस्कुट आकारको सुन जस्तो देखिने पंहेलो धातु थान १ (एक)‚ THE UNITED STATES OF AMERICA लेखिएको अमेरिकी डलर जस्तो देखिने ५० दरको नोट थान ९७ (सन्तानब्बे) र १०० दरको नोट थान १६३( एकसय त्रिसठ्ठी)‚ मोबाईल सेट थान २(दुई) बरामद गरी निजहरु दुवै जनालाई नियन्त्रणमा लिई आवश्यक अनुसन्धान कार्य भईरहेको  प्रहरीले जनाएको छ।