
२ सय ९६ कार्टुन मदिरा सहित ४ जना पक्राउ
विभिन्न ब्राण्डका मदिराहरु भारतबाट चोरी पैठारी गरी नेपाल ल्याई कारोबार गरेको अभियोगमा उपत्यकाका रामकोट, बानेश्वर, कपन लगायत विभिन्न स्थानहरूबाट २ सय ९६ कार्टुन मदिरा सहित ४ जनालाई शुक्रबार प्रहरीले पक्राउ गरेको छ ।
पक्राउ पर्नेहरुमा काठमाडौं कपन बस्ने पर्सा गादी गाविस-८ ठेगाना भएका ३९ वर्षीय सन्तोष चन्द्र बख्रेल, काठमाडौं कागेश्वरीमनहरा नगरपालिका-६ बस्ने ३० वर्षीय शैलेश पन्त, काठमाडौं हाँडीगाउँ बस्ने पर्सा सुवर्णपुर गाविस-५ ठेगाना भएका २८ वर्षीय रविन पाख्रिन र काठमाडौं चावहिल बस्ने सर्लाही वरथहवा नगरपालिका-९ ठेगाना भएका ३८ वर्षीय नारायण प्रसाद घिमिरे रहेका छन् ।
सन्तोष चन्द्र बख्रेल समेतका व्यक्तिहरूले विभिन्न ब्राण्डका मदिरा चोरी पैठारी गरी कारोबार गर्ने गरेको भन्ने सूचनाको आधारमा महानगरीय अपराध महाशाखाबाट खटिएको प्रहरीले उक्त कारोबारमा संलग्न उनीहरुलाई पक्राउ गरेको हो ।
अनुसन्धानको क्रममा रवि भन्ने भारतीय नागरिक र सन्तोषको योजनामा भारतबाट राजश्व छली विभिन्न ब्राण्डका मदिराहरू बिक्री गर्ने गरेको, सन्तोषले विगत ३ महिना अगावै ६ सय ६० कार्टुन ब्ल्याक लेवल, रेड लेवल, चिभास रिगल र ऐब्सुलेट भोड्का ल्याई गैर कानूनी रुपमा बिक्री गरेको तथा बजारमा बिक्री गर्न ईन्फिनिटि लिक्योर मुलपानीका संचालक शैलेशसँग मिलेर काम गर्दै आएको, नारायणले उक्त ब्राण्डका मदिराहरू डिउट फ्रिको हो भनि ग्राहकलाई विश्वास दिलाई बिक्री गर्दै आएको तथा उक्त मदिराहरू विशेषतः पार्टी प्यालेसमा बिक्री गर्ने गरेको खुल्न आएको छ ।
उनीहरुलाई आवश्यक अनुसन्धान तथा कारवाहीको लागि राजश्व अनुसन्धान विभाग हरिहरभवन ललितपुर पठाइएको तथा बरामद मदिराहरुको गुणस्तर परीक्षणको लागि समेत पठाइएको उक्त महाशाखाले जनाएको छ ।
अरु समाचार
एक किलो आठ ग्राम अवैध सुनसहित एकजना पक्राउ
प्रहरीले एक किलो आठ ग्राम अवैध सुनसहित एकजनालाई पक्राउ गरेको छ । जि...
रायभर धरौटीमा थुनामुक्त
सर्वोच्च अदालतको आदेशानुसार उमाशङ्कर रायभर रु २५ हजार धरौटी बुझाएर ...
विभिन्न देशका मुद्रा सहित पाकिस्तानी नागरि...
अबैध रुपमा बाहिरी मुलुकतर्फ लैजान लागेको विभिन्न देशका मुद्रा सहित ...
इच्छाराज तामाङविरूद्ध सम्पत्ति शुद्धीकरण अ...
सिभिल ग्रुपका अध्यक्ष इच्छाराज तामाङविरूद्ध सम्पत्ति शुद्धीकरण अनुस...
स्रोत नखुलेको नगद ५० लाख रुपैयाँ सहित पक्राउ
काठमाडौं महानगरपालिका-९ सिनामंगलस्थित त्रिभुवन अन्तर्राष्ट्रिय विमा...
जिउ मास्ने बेच्ने कसूरका फरार प्रतिवादी पक...
जिउ मास्ने बेच्ने कसूरका फरार प्रतिवादी नुवाकोट सूर्यगढी गाउँपालिका...
एक करोड ६४ लाख भ्रष्टाचार गरेको आरोपमा मुद्दा
वैध कमाईभन्दा बढी विलासी जीवन बिताएको आधारमा अख्तियार दुरुपयोग अनुस...
सुन कछुवासहित चार पक्राउ
काठमाडौँ महानगरपालिका–१३ सोल्टी दोबाटोबाट सुन कछुवासहित चारजनालाई प...