नयाँ इन्चार्ज पाएकालाई आइजिपीको बिफ्रिङ्ग
प्रहरी महानिरीक्षक शैलेश थापा क्षेत्रीले जिल्लाको समग्र शान्ति सुरक्षा कायम गर्न अन्तरजिल्ला सुरक्षा समन्वय कायम गरी नेतृत्वदायी भूमिका खेल्दै परिस्थिति अनुसार व्यावसायिक रुपमा तयार भई पूर्ण सुझबुझका साथ काम गर्नुपर्ने बताउनुभएको छ ।
हालै सरुवा हुनुभएका प्रहरी उपरीक्षकहरु र प्रहरी नायव उपरीक्षकहरुलाई प्रहरी प्रधान कार्यालयमा बिहीबार निर्देशन सम्बोधन गर्दै प्रहरी महानिरीक्षक थापा क्षेत्रीले उक्त कुरा बताउनुभएको हो । जिल्ला कमान्डरको आधारभूत भूमिका बहन गरी समग्र जिल्लामा सुरक्षाको अनुभूति गराई सौहार्दपूर्ण वातावरण बनाउन विशेष चनाखो भई परिचालित हुनुपर्ने उहाँले उल्लेख गर्नुभयो ।
प्रहरी महानिरीक्षक थापा क्षेत्रीले मनसुनजन्य विपद्, कोभिड-१९ को संक्रमण जस्तो विषम परिस्थितिमा विपद् व्यवस्थापन तथा कोरोना संक्रमण रोकथाम र नियन्त्रणमा आ-आफ्नो तर्फबाट सक्रिय भई महत्त्वपूर्ण योगदान पुर्याउन आवश्यक योजना बनाई कार्यान्वयन गर्न निर्देशन दिनुभयो । आर्थिक अनियमितताविरुद्ध खरो रुपमा प्रस्तुत भई प्रहरी कर्मचारीको मनोवल उच्च राख्न प्रहरी नेतृत्वले व्यवहार, सुविधा, ड्युटी, विदा र कार्यसम्पादन मूल्यांकन न्यायोचित रुपमा गर्नुपर्नेमा उहाँले जोड दिनुभयो ।
प्रहरी महानिरीक्षक थापा क्षेत्रीले प्रहरी कर्मचारीहरूको आचरण र व्यवहार परिवर्तन गरी आम नागरिकको दैनिकीप्रति व्यवहारिक बनी सुख दु:ख बुझ्ने वातारण बनाउन कुशल व्यवहारका साथ प्रस्तुत हुनुपर्ने बताउनुभयो ।
जघन्य अपराधका साथै सार्वजनिक सरोकार र चासो लगायतका घटना अनुसन्धानमा सफलता पाउन गर्नुपर्ने काममा कुनै कसर बाँकी नराखी नेतृत्व स्वयं लाग्नुपर्नेमा उहाँले जोड दिनुभयो ।
सीमा अपराध नियन्त्रण तथा आपराधिक गतिविधि निस्तेज पार्न सम्बन्धित निकायहरूसँग आपसी समन्वय गर्नुपर्ने उहाँले चर्चा गर्नुभयो ।
उक्त अवसरमा प्रहरी अतिरिक्त महानिरीक्षक निरज बहादुर शाहीले आर्थिक रुपमा चुस्त दुरुस्त भई बेरुजु फर्छ्यौटमा विशेष ध्यान दिनुपर्ने बताउनुभयो । हरेक प्रहरी कार्यालयले आर्थिकरुपमा पारदर्शिता अपनाई विधि र सीमामा रहेर खर्च गरी कार्यसम्पादन गर्नुपर्नेमा उहाँले जोड दिनुभयो ।
प्रहरी प्रधान कार्यालयले यही असार ८ गते ५२ जना प्रहरी उपरीक्षकहरु र ५७ जना प्रहरी नायव उपरीक्षकहरुको सरुवा गरेको थियो ।
उक्त अवसरमा प्रहरी नायव महानिरीक्षक, प्रहरी वरिष्ठ उपरीक्षक एवं हालै सरुवा भएका प्रहरी उपरीक्षक तथा प्रहरी नायव उपरीक्षकहरूको उपस्थिति रहेको थियो ।
अरु समाचार
अनुसन्धानमा अब्बल रहेका एसएसपी खत्री काठमा...
नेपाल प्रहरीका ५ वरिष्ठ उपरीक्षक (एसएसपी) हरूको समेत काज सरूवा गरिए...
नेपाल प्रहरीको सरुवा मापदण्डमा के छ
नेपाल प्रहरीले सरुवा सम्बन्धि नयाँ मापदण्ड सार्वजनिक गरेको छ। नेपाल...
१३ जना डिआइजी बढुवाका लागि १८ जना एसएसपी द...
नेपाल प्रहरीमा १३ जना डिआइजी पद रिक्त छ। रिक्त रहेको पदका दागि १८ ज...
४ जना डिआइजी एआइजी बढुवा सिफारिसमा
सरकारले ४ जना डिआइजीलाई एआइजी बढुवा सिफारिस गरेको छ। रिक्त रहेको ४ ...
उपप्रधान तथा गृहमन्त्रीमा रवि लामिछाने निय...
उपप्रधान तथा गृहमन्त्रीमा रवि लामिछाने नियुक्त हुनुभएको छ। पुष्पकमल...
“ट्राफिक प्रहरीले शुरु गर्यो तत्काल जरिवा...
उपत्यकामा ट्राफिक प्रहरीले आफ्नो सेवालाई प्रविधिमैत्री बनाउन अभियान...
विभिन्न जिल्लाका प्रमुख जिल्ला अधिकारीको स...
गृह मन्त्रालयले विभिन्न जिल्लाका प्रमुख जिल्ला अधिकारीको सरुवा गरेक...
चाडबाडमा सुरक्षा र बजार व्यवस्थापनमा ध्यान...
गृहमन्त्री बालकृष्ण खाँणले आम नागरिकलाई अनुभूति गर्ने गरी विजयादशमी...