ग्वार्कोमा टाटा सुमोको ठक्करबाट बि एन्ड बी अस्पतालका दुई कर्मचारीको मृत्यु

ललितपुरको ग्वार्कोमा टाटा सुमोको ठक्करबाट दुई जनाको मृत्यु भएको छ।

बिहीबार राति करिब ७ बजे तिर सातदोबाटोबाट ग्वार्कोतर्फ जाँदै गरेको प्रदेश-३-००१ च ०७१३ नम्बरको टाटा सुमोले ठक्कर दिँदा बिएण्डबी अस्पतालमा कार्यरत दुई कर्मचारीको मृत्यु भएको हाे ।

बिएन्डबी अस्पताल अगाडिकाे आकाशेपुल भन्दा अलि तलबाट बाटो काट्दै गरेका उनीहरूलाई उक्त सुमाेले ठक्कर दिएको महानगरीय प्रहरी परिसर, ललितपुरका प्रहरी उपरीक्षक एसपी प्रज्वल महर्जनले जानकारी दिए ।

मृत्यु हुनेमा तनहुँ घर भइ ललितपुरको हरिसिद्धीमा बस्दै आएकी ३४ वर्षीय सुनिता सोती सापकोटा र ४५ वर्षीय कृष्णप्रसाद तिमल्सिना रहेका छन् । सुमोको ठक्करबाट गम्भिर घाइते भएका उनिहरुकाे उपचारकाे क्रममा बिएन्डबी अस्पतालमा मृत्यु भएको एसपी प्रज्वल महर्जनले जानकारी दिए ।

प्रहरीले ससुमो चालक दोलखा घर भइ इमाडोल बस्दै आएका ३१ वर्षीय मिनबहादुर तामाङलाई नियन्त्रणमा लिएको छ।