अमेरिका लैजाने भन्दै फिलिपिन्समा अलपत्र पारेर ४१ लाख ठग्ने दुई जना पक्राउ

अमेरिका लैजाने भन्दै फिलिपिन्समा अलपत्र पारेर ४१ लाख ठग्ने २ जना पक्राउ परेका छन। मानव बेचबिखन अनुसन्धान ब्युरोले ललितपुरका ३२ वर्षीय रवि भन्ने रिकेश महर्जन र काभ्रेकी कमला लामालाई पक्राउ गरेको हो ।

उनीहरुले २०७६ साउनमा अमेरिका लैजाने भनि काठमाण्डौबाट मलेसिया हुँदै फिलिपिन्सको मनिला सम्म पुर्‍याई २ जनालाइ अलपत्र बनाएका थिए।

ब्युरोका अनुसार दुबैले पीडितबाट ४१ लाख ६० हजार रकम लिएर अमेरिका लैजाने भन्दै फिलिपिन्समा अलपत्र पारेका थिए।

पीडितहरूलाई शारिरीक तथा मानसिक यातना समेत दिई बन्धक बनाई राखेको अवस्थामा नेपाल फर्कन सफल भएर ब्युरोमा निवेदन दिएका थिए।

यो घटनामा संलग्न रहेका सतिस बर्तौला २९ साउनमा पक्राउ गरेपनि महर्जन र लामा फरार थिए।