अर्घाखाँचीमा बस दुर्घटना : १७ जनाकाे मृत्यु

अर्घाखाँचीमा यात्रुबाहक बस दुर्घटना हुँदा १७ जनाकाे मृत्यु भएकाे छ भने दुर्घटनामा १३ जना घाइते भएका छन् ।

सन्धीखर्कबाट बुटवल जाँदै गरेको लु २ ख २१४८ यात्रुबहाक बस सन्धीखर्क नगरपालिका-१ स्थित नरपानी र घुम्चीको बीचमा दुर्घटना हुँदा १७ जनाकाे मृत्यु भएकाे हाे । मृत्यु हुनेमा १० पुरुष र ७ महिला छन्। मृतकको सनाखत हुन सकेको छैन।

दुर्घटनामा घाइते भएकाहरुलाई उपचारका लागि बुटवल पठाइएको प्रहरीले जनाएकाे छ ।

दुर्घटना भएको स्थान खोंच भएको र रातिकाे समय भएकोले उद्धार कार्यमा केही समस्या भए पनि प्रहरीले उद्धार कार्य गरिरहेको उद्दारमा खटेका प्रहरी निरीक्षक सुरज सुवेदीले जानकारी दिए।

बस सडकबाट झण्डै तीन सय मिटर तल खसेको छ।