विपद् व्यवस्थापनका लागि अभ्यास निकै फलदायी– नेपाली सेना
नेपाली सेना र अमेरिकी सेनाको एशिया प्रशान्त क्षेत्रको संयुक्त आयोजनामा सञ्चालन भएको विपद् व्यवस्थापन तथा अनुभव आदान प्रदानसम्बन्धी चार दिने चौथो अभ्यास सम्पन्न भएको छ ।
विभिन्न मन्त्रालय, नेपाली सेना, अरु सुरक्षा निकाय, विभाग, रेडक्रसलगायत विपद् व्यवस्थापनमा कार्यरत सङ्घ, संस्थाका ३०२ को सहभागितामा प्राकृतिक विपद्मा छोटो समयभित्र गरिने उद्धार कार्यको अभ्यास गरिएको सैनिक जनसम्पर्क निर्देशनालयले जनाएको छ ।
जनधनको न्यूनतम क्षतिका लागि अपनाइने कार्यविधिको अध्ययन, प्रयोग र अभ्यासद्वारा राष्ट्रिय तथा अन्तर्राष्ट्रिय सरकारी तथा गैरसरकारी संस्थाबीच एकैसाथ भूकम्पलगायत अन्य विपद् व्यवस्थापन कार्य गर्नसक्ने क्षमताको अभिवृद्धि गर्ने उद्देश्यले उक्त अभ्यास गरिएको हो ।
खोज र उद्धारको प्रयास तथा घाइतेको उपचार प्रक्रियासम्बन्धी काल्पनिक परिस्थितिअनुसारको नेपाली सेनाको उपत्यका पृतना, महावीर गण, भैरवनाथ गण, नेपाल प्रहरी प्रधान कार्यालय नक्साल, वीरेन्द्र अस्पताल छाउनी, ट्रमा सेन्टर, नर्भिक अस्पताल, मेडिसिटी अस्पताल, त्रिभुवन अन्तर्राष्ट्रिय विमानस्थल, टुँडिखेल र क्षेत्रपाटी क्षेत्रमा अभ्यास सञ्चालन गरिएको नेपाली सेनाले जनाएको छ ।
विभिन्न १३ मित्रराष्ट्रका सैनिकको सहभागितामा भएको उक्त अभ्यासले पेशागत क्षमता अभिवृद्धि गर्न र सहभागी राष्ट्रसँगको सैनिक सम्बन्ध विस्तार गर्न योगदान पुग्ने विश्वास लिइएको छ । उक्त समापन समारोहमा बलाधिकृत रथी हेमन्तराज कुँवरले यस पटकको अभ्यास विपद् व्यवस्थापनमा समन्वयका साथ काम गर्न निकै फलदायी भएको बताउनुभयो ।
अरु समाचार
सेनाका विद्यार्थी दुई महिनादेखि सम्पर्कविहीन
काठमाडौंको सानोभर्याङस्थित नेपाली सेनाको स्वास्थ्य विज्ञान संस्थान...
प्रधानसेनापति शर्माद्वारा रथी राणालाई दज्र...
प्रधानसेनापति प्रभुराम शर्माले रथीमा पदोन्नति हुनुभएका सरोजप्रताप र...
सुर्खेतको जनताको उपचारमा नेपाली सेना
सुर्खेतको जनताको उपचारमा नेपाली सेनाले निःशुल्क स्वास्थ्य शिविर संच...
प्रधान सेनापति प्रभुराम शर्माको पहिलो सम्बोधन
प्रधान सेनापति प्रभुराम शर्माले पदबहाली गरे पछि सकल दर्जालाई...
नेपाली सेनाको प्रधान सेनापतिले कार्यभार सम...
नेपाली सेनाका प्रधान सेनापति प्रभुराम शर्माले कार्यभार सम्हालेका छन...
सेनाका उपरथी बालकृष्ण कार्की रथी बढुवाका ...
सेनाका उपरथी बालकृष्ण कार्की रथी बढुवाका लागि सिफारिसमा परेका छन। ...
सैनिक विशेष अदालतबाट अमल्दार र सिपाहीलाई सफाइ
चितवनस्थित गणबाट २०७५ पुसमा हतियार हराएको अभियोगमा कैदमा सजाय भोगिर...
नयाँ प्रधानसेनापतिलाई नियुक्तिपत्र
रक्षा सचिव बेगेन्द्रराज शर्मा पौड्यालले बलाधिकृत रथी प्रभुराम शर्मा...