दाङको खांग्रा नाकामा सशस्त्र प्रहरीको ‘बीओपी’ स्थापना
दाङको भारतसँग सीमा जोडिएको राजपुर गाउँपालिका वडा नं ६ को खांग्रा नाकामा आज सशस्त्र प्रहरी बल नेपाल ‘बोर्डर आउट पोष्ट’ स्थापना गरिएको छ ।
पोष्टको बुधबार सशस्त्र प्रहरी बल नेपाल नं ५ प्रमुख सशस्त्र प्रहरी नायब महानिरीक्षक नारायणदत्त पौडेल र दाङका प्रमुख जिल्ला अधिकारी गोविन्दप्रसाद रिजालले संयुक्तरुपमा उद्घाटन गरे ।
कार्यक्रममा सशस्त्र प्रहरी नायब महानिरीक्षक नारायणदत्त पौडेलले सीमा सुरक्षा बल स्थापनापछि अब सीमामा हुने अपराध नियन्त्रण गर्ने, लागुऔषध ओसारपसार जस्ता आपराधिक गतिविधिलाई नियन्त्रण गर्ने बताए ।
उनले भारतसँग सिमाना जोडिएका ११४ वटा नाकामा सशस्त्र प्रहरीको बोर्डर आउट पोष्ट स्थापना गर्ने नेपाल सरकारको लक्ष्य रहेको बताए ।
दाङका प्रमुख जिल्ला अधिकारी गोविन्दप्रसाद रिजालले यो आर्थिक वर्षमा दाङको सीमा नाकामा १२ वटा प्रस्तावित सशस्त्र प्रहरीको क्याम्प स्थापना गर्ने लक्ष्य रहे तापनि हालसम्म तीन वटा स्थापना गर्न सफल भएको र बाकी नौ वटा क्याम्प स्थापना गर्नका लागि कार्ययोजना बनाइरहेको जानकारी दिए । ।
राजपुर गाउँपालिकाका अध्यक्ष लोकराज केसीले नाका क्षेत्रमा सशस्त्र प्रहरीको क्याम्प स्थापना हुनु अत्यन्तै खुशीको कुरा भएको बताउँदै अब नाकाका बासिन्दा भारतीय नागरिक र भारतीय सुरक्षाकर्मीसँग हेपिनु नपर्ने बताए ।
अहिलेसम्म नेपाली भूमिलाई विनाबर्दीका सिपाही भएर जनताले सुरक्षा दिएकोप्रति खुशी व्यक्त गर्दै आगामी दिनमा सुरक्षाकर्मीसँग सहकार्य गरेर शान्ति सुरक्षामा सहयोग पु¥याउन आग्रह गरे ।
गसुनपथरी र खांग्रा नाकामा स्थापना भएका सशस्त्र प्रहरीको भौतिक संरचना निर्माणका लागि पाँच/पाँच लाख उपलब्ध गराउन गाउँपालिकाबाट निर्णय भइसकेको समेत गाउँपालिकाका अध्यक्ष केसीले बताए ।
यसअघि राजापुर गाउँपालिकाको सुनपथरी र कोइलाबास नाकामा सशस्त्र प्रहरीको पोष्ट स्थापना भइसकेका छन् । पटौली, गुरुङ, भैसाही, भौवा, सिरिया, भौरिसाल, मुसिनाका र डगमारा नाका सशस्त्र प्रहरीको बोर्डर आउट पोष्ट स्थापना गर्नका लागि प्रस्तावित नाका हुन् ।
यी प्रस्तावित नाकामा सशस्त्र प्रहरीको १२ वटै क्याम्प कम्तीमा छदेखि सात किलोमिटरको दूरीमा रहनेछन् । हाललाई खांग्रा नाकामा रहेका महिलाको उज्यालो समूहको सामुदायिक भवनलाई तारवार गरेर क्याम्प बनाइएको छ ।
सशस्त्र प्रहरी निरीक्षक रुपचन्द्र थापाको काण्डमा २५ जनाको टोली त्यहाँ खटाइएको छ । सो अवसरमा २९ नम्बर गण हेडक्वाटर ज्वालामाई भालुबाङका गणपति एसपी नारायण श्रेष्ठ लगायतको सहभागिता थियो ।
उपस्थित स्थानीयले वर्षौंदेखि भारतीय सुरक्षाकर्मी र भारतीय नागरिकको ज्यादति सहनु परेको र सशस्त्र प्रहरीको पोष्ट स्थापना भएपछि अब ज्यादति सहनुपर्ने छैन भनी खुशी भएका छन् ।
उनीहरुले नाकामा राज्यको उपस्थिति भएपछि गर्वले शिर उच्च भएकोसमेत बताएका छन् । भारतसँग सिमाना जोडिएको यो नाकामा ५०/६० घरधुरी बसोबास गरेका छन् । दाङको घोराहीदेखि दक्षिणमा ७०/७५ किलोमिटरको दूरीमा यो नाका अवस्थित छ ।
सडक बाटोको अवस्था नाजुक भएकाले त्यहाँसम्म पुग्नका लागि निकै कठिन छ । अझैसम्म नाका क्षेत्रमा बिजुली बत्ती र नेटवर्कको पहुँच हुन सकेको छैन । हिउँदमा ट्र्याक्टर र मोटरसाइकल मात्र आवतजावत गर्न सक्छन् ।
अरु समाचार
सशस्त्र प्रहरीद्वारा ११ के.जी. गाँजा बरामद
पर्सा जिल्लाको छिपहरमाई गाउँपालिका ३ स्थित सीमा ईलाकाबाट सशस्त्र प...
शान्ति स्थापनाको लागि सामूहिक प्रयास आवश्य...
सशस्त्र प्रहरी महानिरीक्षक शैलेन्द्र खनालले हामी सवैको सामूहिक प्रय...
चार लाख रुपैयाँ मुल्यको रुद्राक्षको माला स...
कञ्चनपुर जिल्लाको पुनर्वास नगरपालिका ११ स्थित सीमा ईलाकाबाट भाद्र ४...
एकाई सुरक्षा मुल्याङ्कन तथा निगरानी तालिम ...
सशस्त्र प्रहरी बल नेपाल नम्बर १९ गण हेक्वा (विशेष कार्यदल) बंगलामुख...
गृहमन्त्रीको प्रमुख आतिथ्यमा सशस्त्र प्रहर...
गृहमन्त्री बालकृष्ण खाणको प्रमुख आतिथ्यमा राष्ट्रिय सशस्त्र प्रहरी ...
भारतीय चोरले लुटेका भैँसी सशस्त्र प्रहरीले...
सशस्त्र प्रहरीले भारतीय चोरहरूले बेलडाँँडी गाउँपालिका–५ बाट लुटेर ल...
सशस्त्र प्रहरी बलका २ जना एसएसपी डिआइजी बढ...
सशस्त्र प्रहरी बलका २ जना एसएसपी डिआइजी बढुवा सिफारिसमा परेका छन। ए...
सशस्त्र प्रहरीको सिसिएससी तालिम सकियो
राष्ट्रिय सशस्त्र प्रहरी बल प्रशिक्षण प्रतिष्ठान मातातिर्थमा संचालि...